Bangladesh

Bangladesh Xalq Respublikasi

Bangladesh bayrog'i
📍
Poytaxt
Dakka
👥
Aholi
169 828 911
🗺️
Maydoni
147 570 km²
💰
Valyuta
Taka (BDT)
Bangladesh bayrog'i
Bangladesh bayrog'i

Bangladesh haqida qisqacha

Bangladesh — Osiyodagi davlat. Poytaxti — Dakka. Aholisi — 169,8 mln kishi (2016-yil). Maydoni — 147 570 km². Pul birligi — Taka (BDT). Rasmiy tili — bengal tili.

🧭 Geografik joylashuvi

Osiyo janubida joylashgan davlat. Janubi sharqda Myanma, g‘arbda, shimolda va sharqda Hindiston bilan chegaradosh. Bengal ko‘rfazi mamlakatning janubini yuvib turadi. Bangladesh - tekisliklardan iborat mamlakat. Uni ko‘p sonli daryolar kesib o‘tadi. Ulardan eng yiriklari Gang va Braxmaputra. Mamlakat maydonining 1/10 qismini Chittagong tepaliklari egallagan. Baland tog‘i - Modok-Mual (1003 m). Iqlimi - subekvatorial, mussonli. Hududning 14% ini tropik o‘rmonlar egallagan, palma va mangr daraxtlari keng tarqalgan. Hayvonot dunyosi boy. Bu yerda maymun, lemur, bengal yo‘lbarsi va ayiq, chiyabo‘ri, yo‘l-yo‘l sirtlon, to‘ngiz, fil, timsoh kabi jonivorlarni uchratish mumkin. Qushlaming 700 dan ziyod turi va ilonlar keng tarqalgan.

📖 Tarixi

Bengal qabilalari Quyi Gang vodiysiga m.a. 1000-yilda kirib kela boshladilar. Keyinchalik Vanga davlati tashkil topdi. Bangladesh bu yerda islomni tarqatgan boburiylar hukmronligi ostida qoladi. 1757-yilda mamlakat ingliz mustamlakachilari hukmronligiga itoat etishga majbur bo‘ldi. 1947-yilda Sharqiy Bengaliya hududlari Pokistonga qo‘shib yuborildi. «Bengallar yeri» (Bangladesh) 1971 -yilda mustaqil Xalq respublikasi deb e’lon qilindi. 1975-yilda harbiy holat tartibi e’lon qilinadi. 1978-1979-yillarda fuqarolik boshqaruvi tiklanadi. 1982-yilda harbiy to‘ntarish oqibatida mamlakatda har­biy tuzum o‘rnatildi. 1988-yili Bangladesh islom respublikasi deb e’lon qilinadi. 2007-yili harbiylar hokimiyatni o‘z qo‘liga olib korrupsiyaga va siyosiy vaziyatni sog‘lomlashtirishga qaratilgan bir qator favqulodda choralar ko‘rishdi.

📈 Iqtisodiyoti

Bangladesh - agrar mamlakat. Tamaki, choy, shakarqamish yetishtiriladi. Asosiy madaniy o‘simliklar: sholi, bug‘doy, dukkaklilar. Sanoat tarmoqlarida to‘qimachilik, qog‘oz, shakar, mineral o‘g‘itlar ishlab chiqarish korxonalari mavjud. Metallga ishlov berish, metallurgiya, sement, neftni qayta ishlash zavodlari faoliyat ko‘rsatmoqda. Bulardan tashqari kemasozlik, oziq-ovqat, avto va radio yig‘ish korxonalari ham mavjud. Asosiy savdo hamkorlari: Buyuk Britaniya, AQSh, Yaponiya, Singapur.

Bangladesh: ko'p so'raladigan savollar

Bangladeshning poytaxti qaysi shahar?

Bangladeshning poytaxti — Dakka.

Bangladesh qayerda joylashgan?

Bangladesh — Osiyodagi davlat. Osiyo janubida joylashgan davlat. Janubi sharqda Myanma, g‘arbda, shimolda va sharqda Hindiston bilan chegaradosh. Bengal ko‘rfazi mamlakatning janubini yuvib turadi. Bangladesh - tekisliklardan iborat mamlakat. Uni ko‘p sonli daryolar kesib o‘tadi.

Bangladeshda qancha aholi yashaydi?

Bangladesh aholisi — 169 828 911 kishi (2016-yil ma'lumoti). Aholi zichligi — 1 km² ga 1068,7 kishi.

Bangladeshning rasmiy tili qaysi?

Bangladeshning rasmiy tili — bengal tili.

Bangladeshning pul birligi qanday?

Bangladeshning pul birligi — Taka (BDT).

Bangladesh qachon mustaqil bo'lgan?

Bangladesh 1971-yil 16-dekabrda mustaqillikka erishgan.