Kuba

Kuba

Kuba bayrog'i
📍
Poytaxt
Gavana
👥
Aholi
9 748 007
🗺️
Maydoni
109 884 km²
💰
Valyuta
Kuba pesosi (CUP)
Kuba bayrog'i
Kuba bayrog'i

Kuba haqida qisqacha

Kuba — Shimoliy Amerikadagi davlat. Poytaxti — Gavana. Aholisi — 9,7 mln kishi (2014-yil). Maydoni — 109 884 km². Pul birligi — Kuba pesosi (CUP). Rasmiy tili — ispan tili.

🧭 Geografik joylashuvi

Kuba Karib havzasi, Kuba oroli va unga yaqin orollarda joylashgan davlat. AQSh tomonidan ijaraga olingan Guantanamo harbiy bazasi (Kuba hududi hisoblanadi) bilan chegara uzunligi - 29,1 km. Kuba janubda Karib dengizi, shimolda Kubani Florida shtatidan (AQSh) ajratib turgan Florida qo‘ltig‘i, janubi g‘arbda Yukatan qo‘ltig‘i, sharqda suv orqali Gaiti bilan tutash. Sohil bo‘ylab chegara uzunligi - 3735 km.kv. Mamlakat hududi asosan tekisliklar va tepaliklardan iborat. Tog‘lar hududning to‘rtdan bir qismini egallaydi. Asosiy daryosi - Kauto. Asosiy tabiiy resurslari: nikel, kobalt, mis, marganes, xrom, yog‘och. Haydaladigan yerlari hududining 23%, o‘tloq va maysazorlar 23% ini egallaydi. Iqlimi - tropik. Palmaning har xil turlari, sitrus o‘simliklari keng tarqalgan. Hayvonot dunyosi kambag‘al. Yirtqich hayvonlar va zaharli ilonlar yo‘q. Qushlar, mollyuskalar ko‘p.

📖 Tarixi

Kuba 1492-yil Kolumb tomonidan kashf etilgan. Ispan mustamlakachilari oroldagi mahalliy aholini deyarli yo‘qotib, Kubaga plantatsiyalarda ishlatish uchun Afrikadan qullarni olib keldilar. AQSh tomonidan qo‘llab-quvvatlangan mustaqillik uchun urush 1868-yilda boshlanib, muvaffaqiyatsizlik bilan tugadi. 1898-yil AQSh Ispaniyaga urush e’lon qilib, o‘z qo‘shinlarini Kubaga yubordi va Kuba 1902-yilda mustaqil Respublika deb e’lon qilindi. Kuba AQShga iqtisodiy qaram bo‘lgan holda, bir nechta diktatorlik rejimlami boshidan o‘tkazdi. 1959-yilda Fidel Kastro boshchiligidagi kubaliklar Batista diktaturasini ag‘darib tashlab, mamlakatni sotsialistik yo‘ldan rivojlanuvchi davlat deb e’lon qildi. 2007-yilning dekabrida F.Kastro kasalligi tufayli hukumatni boshqarishni ukasi R.Kastroga topshirdi.

📈 Iqtisodiyoti

Mamlakat iqtisodi inqirozni boshdan kechirmoqda. Keyingi yillarda hukumat tashqi iqtisodiy aloqalarini kengaytirishga, turizm va sanoat korxonalari uchun chet el investitsiyalarini jalb etishga faol harakat qilmoqda. Asosiy savdo hamkorlari: MDH mamlakatlari, Ispaniya, Xitoy, Argentina. Temiryollarining umumiy uzunligi - 12947 km, avtomobil yo‘llari - 26477 km, ichki suv yoilari - 240 km. Portlari - Gavana, Kartinas, Mansanilyo, Mantansas, Santyago de-Kuba.

Kuba: ko'p so'raladigan savollar

Kubaning poytaxti qaysi shahar?

Kubaning poytaxti — Gavana.

Kuba qayerda joylashgan?

Kuba — Shimoliy Amerikadagi davlat. Kuba Karib havzasi, Kuba oroli va unga yaqin orollarda joylashgan davlat. AQSh tomonidan ijaraga olingan Guantanamo harbiy bazasi (Kuba hududi hisoblanadi) bilan chegara uzunligi - 29,1 km.

Kubada qancha aholi yashaydi?

Kuba aholisi — 9 748 007 kishi (2014-yil ma'lumoti). Aholi zichligi — 1 km² ga 102,8 kishi.

Kubaning rasmiy tili qaysi?

Kubaning rasmiy tili — ispan tili.

Kubaning pul birligi qanday?

Kubaning pul birligi — Kuba pesosi (CUP).

Kuba qachon mustaqil bo'lgan?

Kuba 1898-yil 10-dekabrda mustaqillikka erishgan.