Mikroneziya

Mikroneziya Federativ Respublikasi

Mikroneziya bayrog'i
📍
Poytaxt
Palikir
👥
Aholi
105 564
🗺️
Maydoni
702 km²
💰
Valyuta
AQSh dollari (USD)
Mikroneziya bayrog'i
Mikroneziya bayrog'i

Mikroneziya haqida qisqacha

Mikroneziya — Avstraliya va Okeaniyadagi davlat. Poytaxti — Palikir. Aholisi — 106 ming kishi (2013-yil). Maydoni — 702 km². Pul birligi — AQSh dollari (USD). Rasmiy tili — ingliz tili.

🧭 Geografik joylashuvi

Tinch okeanining g‘arbiy qismida Karolin orollarida joylashgan davlat. Sohil bo‘ylab chegara uzunligi - 6112 km. Orollar geologik kelib chiqishiga ko‘ra bir xil emas: baland tog‘li orollardan to marjon atollargacha bor. Orollarning ayrimlarida vulqonlar faoliyati davom etmoqda. Asosiy tabiiy resurslari: dengiz mahsulotlari, yog‘och, fosforitlar. Iqlimi - arxipelagning g‘arbiy qismi ekvatorial va subekvatorial, sharqida tropik passat-mussonli. Vulqonli va marjon orollar faunasi bir-biridan farq qiladi. Vulqonli orollarning qirg‘oqlarida mangro butazorlari, kokos palmalari, bambuk o‘sadi. Maijon orollarida esa kokos palmalari ko‘p.

📖 Tarixi

XVII asrda ispanlar tomonidan ochilgan Karolin orollari 1899-yili Germaniyaga sotilgan edi. 1919-yildan 1945-yilga qadar orollar mandat asosida Yaponiya tomonidan idora qilindi. 1947-yildan hozirgi Mikroneziya BMT tasarrufida bo‘lgan AQSh boshqaruvidagi Tinch okean orollari tarkibiga kirdi. 1986-yili AQShdan ozod assotsiatsiya maqomini olgan Mikro­neziya 1991-yili o‘z mustaqilligini e’lon qildi.

📈 Iqtisodiyoti

Iqtisodiyotining asosiy sektorlaridan biri - baliqchilik. Bundan tashqari, Mikroneziya qirg‘oqbo‘yi ekvatoriyasida baliq ovlash huquqini beruvchi litsenziyalar sotishdan sezilarli daromad oladi. Turizmning rivojlanishi orollarning bir-biridan uzoqda joylashganligi va zaruriy infrastrukturaning yo‘qligidan orqada qolmoqda. Asosiy savdo hamkorlari: AQSh, Yaponiya, Avstraliya, Janubiy Koreya. Temir yo‘llari yo‘q, asosiy orollarda 39 km asfaltlangan yo‘llar bor. Mamlakat portlari: Kolonia, Okak, Truk, Teketik.

Mikroneziya: ko'p so'raladigan savollar

Mikroneziyaning poytaxti qaysi shahar?

Mikroneziyaning poytaxti — Palikir.

Mikroneziya qayerda joylashgan?

Mikroneziya — Avstraliya va Okeaniyadagi davlat. Tinch okeanining g‘arbiy qismida Karolin orollarida joylashgan davlat. Sohil bo‘ylab chegara uzunligi - 6112 km. Orollar geologik kelib chiqishiga ko‘ra bir xil emas: baland tog‘li orollardan to marjon atollargacha bor. Orollarning ayrimlarida vulqonlar faoliyati davom etmoqda.

Mikroneziyada qancha aholi yashaydi?

Mikroneziya aholisi — 105 564 kishi (2013-yil ma'lumoti). Aholi zichligi — 1 km² ga 151,1 kishi.

Mikroneziyaning rasmiy tili qaysi?

Mikroneziyaning rasmiy tili — ingliz tili.

Mikroneziyaning pul birligi qanday?

Mikroneziyaning pul birligi — AQSh dollari (USD).

Mikroneziya qachon mustaqil bo'lgan?

Mikroneziya 1986-yil 3-noyabrda mustaqillikka erishgan.