Ekvatorial Gvineya

Ekvatorial Gvineya Respublikasi

Ekvatorial Gvineya bayrog'i
📍
Poytaxt
Malabo
👥
Aholi
1 668 768
🗺️
Maydoni
28 050 km²
💰
Valyuta
KFA franki (BEAC) (XAF)
Ekvatorial Gvineya bayrog'i
Ekvatorial Gvineya bayrog'i

Ekvatorial Gvineya haqida qisqacha

Ekvatorial Gvineya — Afrikadagi davlat. Poytaxti — Malabo. Aholisi — 1,7 mln kishi (2013-yil). Maydoni — 28 050 km². Pul birligi — KFA franki (BEAC) (XAF). Rasmiy tili — ispan, fransuz tillari.

🧭 Geografik joylashuvi

Afrika qit’asining g‘arbidagi davlat. Sharq va janubda Gabon (350 km), shimolda Kamerun (189 km) bilan chegaradosh. G‘arbda mamlakat Gvineya ko‘rfazi bilan tutashgan. Chegarasining umumiy uzunligi - 539 km, sohil bo‘ylab chegara uzunligi - 296 km. Materikdagi hududdan tashqari Ekvatorial Gvineyaga Bioko, Annobon va qator mayda orollar tegishli. Ekvatorial Gvineya - tog‘li mamlakat. Sohil bo‘yidagi tekisliklar sekin-asta past tog‘larga aylanib boradi. Orollar vulqon jismlaridan iborat. Asosiy daryolari - Miteleme va Benito. Asosiy tabiiy resurslari: marganes, uran, yog‘och, neft. Iqlimi - ekvatorial. O‘simlik dunyosi Ebena, okume, akaju, ovenka, akoga, non, sandal daraxtlari, mimoza, fikuslardan iborat. Hayvonot dunyosini turli maymunlar, qoplon, fil, antilopa, kiyik, mangust, bir necha tur ilon, qush, hasharotlar tashkil etadi. Bioko orolida jayra uchraydi.

📖 Tarixi

Hozirgi Ekvatorial Gvineya hududi XV asrning oxirlarida portugallar tomonidan kashf etilgan. 1778-yili Portugaliya o‘z mustamlakasini Ispaniya tasar rufiga o‘tkazishga majbur bo‘ladi. Mamlakat mustaqillikka erishguncha (1968) Ispan Gvineyasi deb atalgan. Prezident Nguema tomonidan o‘rnatilagn avtoritar tuzum 1979-yilda polkovnik Mbasogo boshchiligidagi harbiy to‘ntarishda ag‘dariladi. Tez orada Ispaniya va AQSh bilan aloqalar tiklanib, neft qazib olish yo‘lga qo‘yildi. 1990-yillarda muxolifatchilarni ommaviy hibsga olish boshlandi.

📈 Iqtisodiyoti

Mamlakat iqtisodi qishloq xo‘jaligi, o‘rmonchilik, baliqchilikka asoslangan (YIMning yarmi, eksport hajmining deyarli hammasi). Asosiy eksport mahsulotlari - qahva, yog‘och, kakao donlari. Ishlab chiqarish yog‘ochga ishlov berish va baliqni qayta ishlash bilan chegaralangan. Neft konlari o‘rganilmoqda. Titan, temir, uran, oltin, marganes konlari ochilmagan. 2012-yil YIM miqdori 1,44 mlrd dollarni (aholi jon boshiga - 2400 doll.) tashkil etgan. Asosiy savdo sheriklari: Ispaniya, Nigeriya, Fransiya, Kamerun. Avtomobil yo‘llarining umumiy uzunligi - 2760 km. Portlari: Bata, Malabo.

Ekvatorial Gvineya: ko'p so'raladigan savollar

Ekvatorial Gvineyaning poytaxti qaysi shahar?

Ekvatorial Gvineyaning poytaxti — Malabo.

Ekvatorial Gvineya qayerda joylashgan?

Ekvatorial Gvineya — Afrikadagi davlat. Afrika qit’asining g‘arbidagi davlat. Sharq va janubda Gabon (350 km), shimolda Kamerun (189 km) bilan chegaradosh. G‘arbda mamlakat Gvineya ko‘rfazi bilan tutashgan. Chegarasining umumiy uzunligi - 539 km, sohil bo‘ylab chegara uzunligi - 296 km.

Ekvatorial Gvineyada qancha aholi yashaydi?

Ekvatorial Gvineya aholisi — 1 668 768 kishi (2013-yil ma'lumoti). Aholi zichligi — 1 km² ga 51 kishi.

Ekvatorial Gvineyaning rasmiy tili qaysi?

Ekvatorial Gvineyaning rasmiy tili — ispan, fransuz tillari.

Ekvatorial Gvineyaning pul birligi qanday?

Ekvatorial Gvineyaning pul birligi — KFA franki (BEAC) (XAF).

Ekvatorial Gvineya qachon mustaqil bo'lgan?

Ekvatorial Gvineya 1968-yil 12-oktabrda mustaqillikka erishgan.