Ummon

Ummon Sultonligi

Ummon bayrog'i
📍
Poytaxt
Maskat
👥
Aholi
5 343 630
🗺️
Maydoni
306 501 km²
💰
Valyuta
Ummon riali (OMR)
Ummon bayrog'i
Ummon bayrog'i

Ummon haqida qisqacha

Ummon — Osiyodagi davlat. Poytaxti — Maskat. Aholisi — 5,3 mln kishi (2015-yil). Maydoni — 306 501 km². Pul birligi — Ummon riali (OMR). Rasmiy tili — arab tili.

🧭 Geografik joylashuvi

Arabiston yarimorolida joylashgan. janubi g‘arbiy Osiyo davlati. G‘arbda Saudiya Arabistoni (676 km), janubi g‘arbda Yaman (288 km) davlati bilan chegaradosh. Mamlakatning sharqiy va janubiy qirg‘oqlarini Arab dengizi suvlari, shimoliy qirg‘oqlarini Ummon ko‘rfazi suvlari yuvib turadi. Quruqlikdagi chegaralarining umumiy uzunligi 2092 km. Mamlakatning katta qismi tog‘li hududlardan iborat. Ummon ko‘rfazi qirg‘oqlari bo‘ylab Hojar tog‘i tik qoyalari yastanib yotibdi. Tog‘lar va Ummon ko‘rfazi o‘rtasida tor Al-Botina pasttekisligi joylashgan. Mamlakatning markaziy qismida Rub-al-Xoli qumli cho‘lining sharqiy chegarasi joylashgan. Ummon boy neft zaxiralariga ega bo‘lib, foydali qazilmalardan mis, xrom va tabiiy gaz ham qazib olinadi. Iqlimi - quruq cho‘l zonasi.

📖 Tarixi

M. a. 536-yili zamonaviy Ummon hududi forslar tomonidan bosib olingan edi. Yangi davr boshlarida o‘rtayer dengizi hamda Osiyo davlatlari o‘rtasidagi savdoning asosiy qismi Ummon orqali o‘tardi. VII asr o‘rtalarida Ummon mamlakatga islomni olib kirgan arablar tomonidan bosib olinadi. XVI asrda portugaliyaliklar Maskatni ishg‘ol qiladilar, biroq 1650-yilda mamlakatdan yevropaliklami haydab chiqarib, Ummon mustaqillikni qo‘lga kiritadi. 1741-yilda mamlakatdan eronlik bosqinchilarni quvib yuborgan Ahmad ibn Said avlodi 1733-yili Maskat sultonligiga asos soladi. Ibn Saidlar hozirgi kunlarda ham shu shaharlarda hukmronlik qilmoqdalar. 1798-yili Maskat va Buyuk Britaniya o‘rtasida do‘stlik, savdo hamda kema qatnovlari to‘g‘risidagi shartoma imzolangan. Bu shartnoma muddatlari 1891-yil hamda 1970-yillarda mamlakat rahbari «Ummon sultoni» unvonini olganidan so‘ng ikki marotaba qayta uzaytirilgan.

📈 Iqtisodiyoti

Mamlakat iqtisodi neftni qazib olish sanoatiga asoslangan. Neft yalpi milliy mahsulotning 40% ga yaqin qismini, eksportdan tushadigan daromadlarning 20% dan ziyodrog‘ini tashkil qiladi. Qishloq xo‘jaligida, baliqchilikni kiritgan holda, mehnatga layoqatli aholining 60% i band. Asosiy qishloq xo‘jalik mahsulotlari: xurmo, banan, chorvachilik ham rivojlangan. Yiliga 100 ming tonnaga yaqin baliq ovlanadi. Asosiy savdo hamkorlari: Yaponiya, Janubiy Koreya, Buyuk Britaniya, Singapur, AQSh. Avtomobil yo‘llarining umumiy uzunligi - 26000 km (shundan 6000 km asfalt yo‘llar). Port shahri - Maskat.

Ummon: ko'p so'raladigan savollar

Ummonning poytaxti qaysi shahar?

Ummonning poytaxti — Maskat.

Ummon qayerda joylashgan?

Ummon — Osiyodagi davlat. Arabiston yarimorolida joylashgan. janubi g‘arbiy Osiyo davlati. G‘arbda Saudiya Arabistoni (676 km), janubi g‘arbda Yaman (288 km) davlati bilan chegaradosh.

Ummonda qancha aholi yashaydi?

Ummon aholisi — 5 343 630 kishi (2015-yil ma'lumoti). Aholi zichligi — 1 km² ga 13,5 kishi.

Ummonning rasmiy tili qaysi?

Ummonning rasmiy tili — arab tili.

Ummonning pul birligi qanday?

Ummonning pul birligi — Ummon riali (OMR).

Ummon qachon mustaqil bo'lgan?

Ummon 1971-yilda mustaqillikka erishgan.